وصفة الكبدة المقليّة #تحدي_السكر 😋✌💪

0

كما وعدتكم بِ وصفة الكبدة المقليّة الصحيّة الشهيّة كبدة #تحدي_السكر 😋✌💪 أمامكم 3 أطباق متنوعة للكبدة المقلية سواء الطازجة أو المجمدة “عِجِل، دجاج”. للنفوس الحلوة الزكيّة يلي بتصحى من الفجريّة بتصلّي فرضها وبتقرأ ذِكْرها وبتتلو آيات ربّها وبتقوم تشوف بيتها وزوجها وعيالها 🤗
يلّا نفوت بالموضوع

#المكونات:
حسب الموجود مِنْ التالي**
كبدة ، بصل، بقدونس، جرادة خضرا، فليفلة “فلفل رومي”.
#الإيدام حسب المتوفر والموجود “زيت زيتون، أو سمنة حلوب، أو زبدة طبيعية” ويمكن الخلط بينهم 😊

#تجهيز_الطبق/
سلقت #أوقية كبدة “ربع كيلو” بشويّة ملح وليمونة كاملة العصير مع القشور حتى تغيّر اللون من الأحمر للأبيض 🕊
غسلتها بماء الصنبور ونظفت كل الزفارة وتركتها تتصفّى.
في مقلى قطّعت بصلتين كبار مربعات مع فليفلة “فلفل رومي” ويمكن الاكتفاء بالبصل “حسب المتوفر بالبيت” ودبّلتهم ع نار هااادية بأيّ إيدام موجود سواء “زيت زيتون أو سمنة أو زبدة” جميعهم جربتهم وخلطت بينهم الطعم رااائع.
#هلأ بتطفي ع البصل وبتتركيه ع جنب.
نصف كمية البصل بتقلبيها مع الكبدة برضو ع نار هااادية مع التغطية مع إضافة الملح والفلفل الأسود #فقط و #يمكن_إضافة الهيل الناعم ولمّا يختلط المزيج ويدوب البصل ويتطّعم بالكبدة وتستوي بتضيفي باقي كمية البصل وبتقطعي بقدونس أو جرادة خضرا ع الوجه وبتغطيهم وتحريكتين وبتطفي الغاز وبتصفّي الكبدة من الإيدام “لو رغبتي” وبتسكبيها بطبق التقديم للسّفرة.

#ملاحظة/ هناك من يرغب بإضافة مدقوق الشطة والفلفل والثوم.
إن كان هذا حالكم يمكنكم إضافتها قبل طفي الغاز بدقيقة.

#فائدة/
للاستفادة من #الحديد الموجود بِ #الكبدة لابد من اقتران الطبق
بِ #فيتامين C الموجود في ” #الليمون بوضع قطرات على الكبدة عند التغميس أو وجود طبق السلطة الذي يحتوي على #الطماطم” فهو يُسهّل ويُسرّع امتصاص الحديد بالجسم 💪
#تحذير/
لا تاكلوا جنبه حاجة فيها #كالسيوم 😑 لا تشربوا معاه لا #حليب ولا #شاي 😔
لأنهم رح يمنعوا امتصاص الحديد بالجسم 💔
وبالهنا والعافية عليكم 💪
#دعواتكم 💗😘🕊
Dr. Randa Alfarra

Leave A Reply

Your email address will not be published.