كيك الشوفان على البخار بدون سكر ولا زيت😊

0

كيكة الشوفان علي البخار كيكة حلوة وصحية بنفس الوقت ومشبعة جدا .. للي حابب يستفيد هاي كيكتي اللي اعملتها امبارح كيك الشوفان على البخااار و من غير سكر ولا زيت
كيك للناس اللي بتحارب السكر”تحدي السكر”😊

المقادير:
بيضتين+ ٢ كوب دقيق الشوفان+ ٣ معالق كبيرة جوز هند+٣ معالق كبيرة عسل اسود او ابيض+ ٣ معالق كبيرة زيت زيتون او زيت جوز الهند+ كوب عصير برتقال+نص كوب لبن+فانيلا+ ٢بكنج باودر+بشر برتقال+معلقة خل+رسة ملح

الطريقة:
في الخلاط نضع ٢ بيضة عليهم الفانيلا ورشة الملح ومعلقة الخل وبشر البرتقال نضربهم سوا، بنضيف عليهم الزيت والعسل وبنرجع نضربهم ليمتزجو سوا.. اسكبي الخليط في وعاء ونزلي عليه دقيق الشوفان مع البكنج باودر
الشوفان انا جبتو وطحنتو بالبيت ع الخلاط، ضيفي كوب عصير البرتقال وقلبي من تحت لفوق حتى يمتزج الخليط بعدها ضيفي نص كوب اللبن وقلبي من تحت لفوق .. صبي الخليط في قالب مدهون زيت جوز الهند او زيتون مرشوش فيه دقيق من الشوفان.

حطي بطنجرة كوبين ميه وخليهم يغلو ونزلي القالب فيها وغطي الطنجرة بفوطة وفوق منها الغطاية تبع الطنجرة ( اكيد كلكم فاهمين قصدي) اخبزيها ع نار هادية من ٤٠ ل٤٥ دقيقة
وصحتين والف عافية

Leave A Reply

Your email address will not be published.