شكشوكة الفلفل الرومي صحية ولذيذة

نعرض في موقعنا نمط حياة صحي العديد من الأكلات الجديدة والتي تعتبر صحية لعدم وجود السكر فيها و اي مواد تتعارض مع برنامج تحدي السكر.

وصفتنا اليوم عبارة عن شكشوكة الفلفل الرومي الملون تعتبر اكلة صحية ولذيذة يارب تنال اعجابكم

المقادير :

كيلو فلفل ألون

كيلو بندورة حمرة

5 معالق زيت زيتون

4 حصوص توم

رشة ملح ورشة فلفل أسود

5 فلفل حار حسب الرغبة

الطريقة :

بنشوي الفلفل الملون والبندورة بالفرن وبعدين بنحطهم بكيس شي ربع ساعة حتى يسهل علينا تقشيرهم

وبعدين بنحط مقلاية ع النار وبنضيف زيت الزيتون والتوم وبنحط الفلفل والبندورة وبنتركهم ليتسبكو وبنضيف رشة ملح ورشة فلفل أسود وبنخليهم شي ربع ساعة ع النار

طبعا الحار حسب الرغبة وفينا نضيف عليها بيض حسب رغبتكم وهاى الاكلة صحية كتير ومش مكلفة وبتفيد جسمنا

وبتمنالكم الصحة والعافية